Advertisement
एजेन्सी- जम्मु-कश्मिरको श्रीनगरमा आतंकवादी आक्रमण भएको छ। सोमबार साँझ भारतको सशस्त्र पुलिस सवार बसमा आक्रमण गर्दा दुई प्रहरी जवानको मृत्यु भएको भारतीय अधिकारीहरुले जानकारी दिएका छन्।
आक्रमणमा कम्तिमा १२ जना घाइते भएको बताइएको छ। उनीहरुको स्वास्थ्य स्थिति गम्भीर रहेको भारतीय सञ्चारमाध्यहरुले बताएका छन्। उनीहरुलाई आर्मी अस्पतालमा भर्ना गरी उपचार सुरु गरिएको छ।
Advertisement
जम्मु-कश्मिरको ९औं बटालीयन सशस्त्र पुलिसको बसमा आक्रमण गरिएको थियो। आक्रमणलगत्तै भारतीय सुरक्षाकर्मीले उक्त क्षेत्रलाई चारैतिरबाट घेरेर सर्च अभियान थालेका छन्।
प्रत्यक्षदर्शीका अनुसार बाइकमा सवार आतंकवादीले बसमा सवार सशस्त्र प्रहरीमाथि फायरिङ खोलेका थिए।
Advertisement
Advertisement
कुनै सल्लाह, सुझाव वा प्रतिकृयाको लागि [email protected] मा इमेल पठाउन सक्नुहुन्छ ।
