काठमाडौं । नेपाली कांग्रेसको उपसभापतिमा पूर्णबहादुर खड्का र धनराज गुरुङ निर्वाचित भएका छन् ।
बुधबार राती प्राप्त मतपरिणामअनुसार खड्का र गुरुङ निर्वाचित भएका हुन । विजयकुमार गच्छदार दुई मतान्तरले पराजित भए ।
निर्वाचन समितिका अनुसार खड्काले २१२१ र गुरुङले १९०८ मत प्राप्त गरेका छन् भने गच्छदारले १९०६ मत प्राप्त गरेका छन् ।
सभापति शेरबहादुर देउवा पक्षका खड्का भने गुरुङ शेखर कोइराला पक्षका उम्मेदवार हुन। त्यस्तै, गच्छदार देउवा पक्षका उम्मेदवार हुन ।
त्यस्तै, चन्द्र भण्डारीले १५८०, सुजाता कोइरालाले ६४४, महेश आचार्यले ५८९ र दिव्यश्वरी शाहले १३२ मत पाए ।
१४ औं महाधिवेशनमा खड्का र गच्छदार देउवा प्यानलबाट, गुरुङ र भण्डारी शेखर कोइराला प्यानलबाट, सुजाता कोइराला प्रकाशमान सिंह प्यानलबाट र दिव्यश्वरी शाह विमलेन्द्र निधि प्यानलबाट उम्मेदवारी दिएका थिए । भने आचार्यले कुनै प्यानलमा नरही उम्मेदवारी दिएका थिए ।
कांग्रेसको १४ औं महाधिवेशन अन्तर्गत सभापति पदको नतिजा सार्वजनिक भइसकेको छ भने महामन्त्री पदको मतगणना बिहीबार विहान ८ बजेदेखि हुँदैछ ।
