पेस्तोलसहित भारतीय नागरिक पक्राउ

राष्ट्रिय संञ्चार

१३ पुष २०७८, मंगलवार १५:२५ प्रकाशित

मोरङ : सुनसरीको कोशी गाउँपालिका-१ बाट दुई जनालाई पेस्तोल‚ म्यागेजिन र गोलीसहित प्रहरीले पक्राउ गरेको छ।

जिल्ला प्रहरी कार्यालय सुनसरी र इलाका प्रहरी कार्यालय लौकहीका टोलीले सोमबार बेलुका साढे ४ बजे बिएस होटलबाट नियन्त्रणमा लिएको हो।

पक्राउ पर्नेमा भारतको बिहार अररिया, बासमटियाका ३५ वर्षीय विद्यानन्द राम र २४ वर्षीय हासिम अंसारीलाई रहेको प्रहरीले बताएको छ । होटलको कोठामा बसिरहेको अवस्थामा कोठा खानतलासी गर्दा ओछ्यानमा लुकाई राखेको पेस्तोल दुई थान, म्याग्जिन चार थान, गोली ३ राउण्ड बरामद गरिएको हो।

यस्तै‚ मोबाइल एक थान, भारतीय नम्बर बिआर ५० के ०१४९ को मोटरसाइकल र भारतीय २ हजार रुपैयाँ समेत बरामद भएको प्रहरीले जानकारी दिएको छ ।