सुर्खेत- आजको साहित्य संगालोमा सुर्खेतको पूर्वीक्षेत्र चिङ्गाङगाउँपालिका -४, सुर्खेतमा जन्मनु भएका गजलकार ‘घनश्याम राना ऋतु’ का गजल लिएर आएका छाैँ । राना सानै उमेर देखि साहित्य क्षेत्रमा निकै रुची राख्ने र लेख्ने काम गर्नु हुन्थ्यो। अहिले पनि आफ्नाे लेखनिलाई निरन्तरता दिईरहनु भएका राना हाल वीरेन्द्रनगर सुर्खेत मा बस्दै आउनु भएको छ ।
गजल १
हरेक रात सम्झनामा एक फेर आईदिन्छ।
जो मनको बाटो हुँदै सम्झेर आईदिन्छ।
आफ्नो हुँदा पनि काखमा बस्न पाईएन,
दुश्मन भने यो छातीमा टेकेर आईदिन्छ।
हास्ने ओठ भन्दा रुने आँखा माथी हुन्छ ,
र त खुशी मा पनि आँसु बगेर आइदिन्छ।
सम्बन्ध नङ र मासु जस्तै बनाउन खोज्छु ,
बदलामा दुनियाँ खै के चाहेर आईदिन्छ।
आफ्नै एक टुत्रा जमिन बेच्न हैरान हुन्छु,
सरकार भने क्षणमै देश बेचेर आईदिन्छ ।
गजल २
तिमिलाई पाउन सकिएन प्यारमा बाचेर।
के काम लाग्यो र जिबन संसारमा बाचेर।
जलेका सपना बेचेर खुसी हुन सक्छिन,
जति भइनन एक रानी दरबारमा बाचेर ।
बम गोलामा परेको भए बाचिन्थ्यो होला,
म मरेको छु तिम्रो याद हरबारमा बाचेर।
यसैगरी बाचेर एक युग काटिदे सरकार ,
मुलुक भेटिने छैन कतै रोजगारमा बाचेर।
चिसो हिउँदमा चिसै सेकिए नानिबाबु,
के महसुस भयोर साच्चै सरकारमा बाचेर।
गजल ३
तिम्रै तड्पाई हो तिम्रै सम्झनामा सम्झेर बस्नु परेको ।
उपलब्धि के सुनाउनु बाँकी दुख समेटेर बस्नु परेको।
नाङ्गो शरीरमा ट्याटु बनाउने , त्यो शहर हो।
कस्ले बुझिदिन्छ गाउँमा टालो हालेर बस्नु परेको।
बजार चिच्याएको आवाज, भित्तामा ठोकिन्छ
यो मन छ पिडाको सुस्केरा सुनेर बस्नु परेको।
मन कैँचीको दुई धार बनेर वारपार हुने मन छ।
जो छुट्याउनलाई पुन भेटिएर बस्नु परेको।
समय मिलाएर बुढापाकासंग पनि बस्ने गर्नु ,
यो युग छ, सबैथोक गुगलमा खोजेर बस्नु परेको।
यो कस्तो रोग आयो र कसलाई गएर सुनाउ ?
जसको उपचार दुरि र मिटरमा नापेर बस्नु परेको।
घनश्याम राना ऋतु
चिङ्गाङ(४, सुर्खेत
