सुर्खेत- चिङ्गाड गाउँ पालिका अन्तरगत वडा नम्बर ३ र ४ का ९ वटा बिद्यालयमा मटेला ब्वाइज द्वारा ७६ वटा पिस न्यानो कपडा वितरण गरेको छ । काठमाडौं मा बस्दै आउनु भएका समाजसेवी मुकेश खतिवडाको आर्थिक सहयोगमा बिध्यार्थीलाई न्यानो कपडा वितरण गरिएको हो। बिपन्न तथा आर्थिक स्थिति कमजोर भएका बिध्यार्थिलाई न्यानो कपडा प्रदान गरिएको हो ।
नेपाल राष्ट्रिय प्राथमिक बिद्यालय टुलेमा ५ पिस, नेपाल राष्ट्रिय माध्यमिक बिद्यालय काडाँघुवानीमा ७ पिस, नेपाल राष्ट्रिय प्राथमिक बिद्यालय खोलाकाटे ५ पिस , नेरा प्राबी सल्यानगैरामा ५ पिस, नेपाल राष्ट्रिय माध्यमिक बिद्यालय १२ पिस , सियाँला ५, मालिका माध्यमिक बिद्यालय २५ पिस भगवती प्राथमिक बिद्यालय ५ पिस र लक्ष्मी नेपाल राष्ट्रिय प्राथमिक बिद्यालयमा ५ पिस गरि जम्मा ७६ पिस न्यानो कपडा प्रदान गरिएको छ ।
सुरुवाती चरणमै रहेको मटेला ब्वाइजले यस अगाडि ठाँटिबजारको लागि ९५ वटा डस्बिन ठाँटी बजार ब्यबस्थापनलाई बुझाइ सकेको छ ।
ब्वाइजले ठाँटी बजारको लागि अटो स्ट्रीट लाईट संगै आगामी दिनमा विभिन्न कार्यक्रमको भावी योजना तयार गर्दै रहेको संस्थापक संयोजक चन्द्र जिसि बताएका छन् । मटेला ब्वाइजका संस्थापक संयोजक चन्द्र जि सी र अध्यक्षमा खगेन्द्र जि सी रहदै आएका छन् ।
