सुर्खेत- सुर्खेतमा विगत केही समयदेखि रोकिएको प्याराग्लाइडिंग उडान आजबाट फेरी संचालन हुने भएको छ।
वयलकम प्याराग्लाइडिंग र पोखराको बाबु एडभेन्चरले पुनः प्याराग्लाइडिंग शुरु गर्न लागेको हो। यसअघि सुर्खेतमा २०७० सालमा पहिलो पटक प्याराग्लाइडिंग संञ्चालन गरिएको थियो। दक्ष जनशक्ती अभाव कै कारण संञ्चालनको केही समयमै प्याराग्लाइडिंग बन्द गरिएको थियो।
संञ्चालक पदम शाहीले अहिले पहिलो चरणमा ३ हजार पाँचसयमा उडान भर्न लागेको जानकारी दिए । वीरेन्द्रनगर १४ गढीबाट वीरेन्द्रनगर १ को कृष्णसामुदायिक वन क्षेत्रमा उडान भर्ने जनाएका छन् । कर्णाली प्रदेशको पर्यटकिय क्षेत्रमा योगदान पुर्याउने उदेश्यले वीरेन्द्रजनगरमा व्यवसायीक प्याराग्लाइडिंग सेवा सुरु गर्न लागेको प्याराग्लाइडर सानोबाबु सुनारले जानकारी दिए। उनले प्याराग्लाइडिंगका लागी १२ जना चालक वीरेन्द्रनगर आएको बताएका छन् ।
