निर्वाचनबाट सरकार पन्छिन मिल्दैनः एमाले सचिव अर्याल

राष्ट्रिय संञ्चार

२३ माघ २०७८, आईतवार १२:५४ प्रकाशित

काठमाडौं- नेकपा (एमाले)का सचिव पद्ममा अर्यालले निर्वाचनबाट सरकार पन्छिन नमिल्ने बताएकि छन् ।

प्रेस चौतारी नेपाल, बागलुङद्वारा आज आयोजित पत्रकार भेटघाटमा उनले आवधिक निर्वाचन टार्न खोजिए त्यो लोकतन्त्र विरुद्ध हुने बताएकी छन् ।

उनले छिटोभन्दा छिटो स्थानीय तहको निर्वाचन मिति घोषणा गर्न सरकारसँग माग गरेकी हुन् । “संविधान, कानुनले तोके अनुसार बेलैमा निर्वाचन हुनुपर्छ, स्थानीय तह पदाधिकारीविहीन स्थितिमा रहनसक्दैन, अर्को कुनै संरचनाले स्थानीय तहको अधिकार प्रयोग गर्न सक्ने परिकल्पना संविधानले गरेको छैन”, नेत्री अर्यालले भनिन।

उनले संविधानको कार्यान्वयनमा कुनैपनि पक्षबाट आलटाल गरिए त्यो देशका लागि दुर्भाग्यपूर्ण हुने बताएकि छन् । उनले भनिन , “संविधानअनुसार देश चल्ने हो, हामीले संविधानलाई चलाउने होइन ।”