काठमाडौं- नेपाल बार एशोसिएसनले न्यायालय सुधारको माग गर्दे गरिएको आन्दोलन जारी रहने जानकारी दिएको छ ।
न्यायपालिका सुधारका लागि सुरु गरेको आन्दोलनको एक सय दिन पुगेको अवसरमा सोमबार एशोसियसनको कार्यालयमा आयोजना गरिएको पत्रकार सम्मलनमा बोल्दै अध्यक्ष चण्डेश्वर श्रेष्ठले माग पूरा नहुन्जेल आन्दोलन जारी रहने बताएका छन् ।
उनले आन्दोलनले एक सय दिन पुरा गरिसक्दासम्म प्रधानन्यायाधीश चोलेन्द्र शमशेर जबराले नेपाल बारको न्यायपालिकाका विकृति, विङगति नियन्त्रणको लागि दिएका सुझावहरु कार्यान्वयन गर्न चासो नदिएको समेत दाबी गरेका छन् । उनले न्यायपालिका सुधारकै विषयमा गर्न लागिएको राष्ट्रिय सम्मेलनसम्म आन्दोलन जारी रहने र त्यसपछिका कार्यक्रम सम्मेलनले नै तय गर्ने बताएका छन् ।
सम्मेलनमा न्यायपालिका सुधार सम्बन्धी न्यायाधीश हरिकृष्ण कार्कीको प्रतिवेदनमाथि पछि छलफल गरिने जानकारी उनले दिए । उनले भने “न्यायलय सुधारको कार्यक्रम पुर्ण नभएसम्म आन्दोलन निरन्तर जारी रहन्छ । न्यापालिका सुधारकै विषयलाई लिएर फागुन १५,१६,१७ गते राष्ट्रिय सम्मेलनमा न्यायपालिका सुधार र हरिकृष्ण कार्कीको प्रतिवेदनमाथि छलफल गरिन्छ । त्यसैले फागुन १७ गते सम्मका लागि आन्दोलनलाई निरन्तर जारी रहन्छ । त्यसपछिको कार्यक्रम सम्मेलनले तय गर्ने बताएको छ ।
