सुर्खेत- सुर्खेतमा प्रहरीले लागूऔषधसहित तीन जनालाइ पक्राउ गरेको छ । प्रहरी चौकी सुब्बाकुनाका प्रहरीले उनीहरूलाइ पक्राउ गरेको हो । बुधबार एक बजेको समयमा वीरेन्द्रनगर नगरपालिका वडा नं- ११ पिपिरा चोक स्थित लिलाराम पुरीको फेन्सी पसलमा लागू औषध कारोबार भइरहेको छ भन्ने गोप्य सूचनाका आधारमा उनिहरूलाइ पक्राउ गरेको थियो ।
पक्राउ पर्नेमा बीरेन्द्रनगर नगरपालिका ११ बस्ने वर्ष ४६ का लिलाराम पुरी, २४ वर्षका महेश सुनार र वर्ष २२ का गौरब सुनार रहेका छन् । जिल्ला प्रहरी कार्यालय सुर्खेतबाट सादा पोशाकमा खटिएको संयुक्त टोलिले उनिहरूलाइ पक्राउ गरेको थियो ।
प्रहरीले लागूऔषध ब्राउन सुगर जस्तो देखिने खैरो धुलो पदार्थ प्लास्टिक सहित ३०० मिलिग्राम, शुद्ध २०० मिलिग्राम सहित पक्राउ गरेको प्रहरीले जानकारी दिएको छ । पक्राउ परेका तीनै जनालाइ नियन्त्रणमा लिएर अनुसन्धान भईरहेको प्रहरीले बताएको छ ।
