काठमाडौँ । आज बिहीबार अपराह्न ३ बजे सत्ता गठबन्धनका शीर्ष नेताको बैठक बस्दै छ ।अमेरिकी आर्थिक सहायता परियोजना मिलेनियम च्यालेन्ज कर्पोरेसन (एमसीसी)को विषयमा साझा धारणा बनाउन सत्ता गठबन्धन दलहरूको बैठक बस्ने लागेको हो ।
प्रधानमन्त्री शेरबहादुर देउवा र नेपाल कम्युनिस्ट पार्टी (माओवादी केन्द्र)का अध्यक्ष पुष्पकमल दाहालबीच बुधवार भेटवार्ता भएपछि सत्ता गठबन्धनमा सहभागी दलहरूको बैठक बिहीबारका लागि डाकिएको हो ।सरकारले बुधवार नै एमसीसीको प्रस्ताव सदनमा टेबुल गर्ने योजना बनाएपनि अन्तिम समयमा माओवादी केन्द्र उक्त एजेन्डाबाट पछाडि हटेपछि गठबन्धनमा आवद् दलका शीर्ष नेताहरूको साँझा धारणा बनाउन आज बैठक बस्न लागेको हो ।
बुधवार बसेको माओवादी केन्द्र संसदीय दलको बैठकले संसद्भित्र सहमति जुटाएर मात्र एमसीसीलाई अघि बढाउनुपर्ने निर्णय गरेको छ भने मङ्गलवार बसेको नेपाली काग्रेंसको केन्द्रीय कार्यसम्पादन समितिको बैठकले एमसीसी अनुमोदनका पक्षमा उभिने निर्णय गरेको थियो ।
