सुर्खेत। मोटरसाइकल दुर्घटनामा परी दुई जनाको मृत्यु भएको छ। दुर्घटनामा ज्यान गुमाउनेहरूमा सुर्खेत भेरीगंगा नगरपालिका वडा- १० का २० वर्षीय रवीन सिंजाली र सोही ठाउँका १७ वर्षीय योगेश बुढा रहेकाे प्रहरिले जानकारी दिएकाे छ।
छिन्चुबाट कोहलपुरतर्फ जाँदै गरेको लु ८०प ८४९३ नम्बरको मोटरसाइकल अनियन्त्रित भई दुर्घटना भएको जिल्ला प्रहरी कार्यालय सुर्खेतले जानकारी दिएकाे छ।
शुक्रबार राति करिब साढे दश बजेतिर भेरीगंगा नगरपालिका वडा-४ हर्रे नजिक सडकबाट मोटरसाइकल करिब दुई सय मिटर तल खसेको प्रहरीकाे भनाइ रहेको छ ।
कुनै सल्लाह, सुझाव वा प्रतिकृयाको लागि [email protected] मा इमेल पठाउन सक्नुहुन्छ ।