सुर्खेत- बैशाख ३० गते हुने स्थानिय तहको निर्बाचनमा सुर्खेतमा २ सय ९२ वटा मतदान केन्द्र कायम हुने भएका छन।
यसअघि २ सय ६३ मतदान केन्द्र रहेको सुर्खेतमा २९ वटा मतदान केन्द्र थपिने प्रदेश निर्वाचन कार्यालय सुर्खेतले जानकारी दिएको छ ।
कार्यालयले सरोकारवाहरुसंग गरेको अन्तरक्रियामा मतदातको संख्या बढेसंगै केन्द्र पनि बढार्इएको जनाएको छ।
मतदान स्थल भने १ सय ३८ नै कामय रहने भएको छ।
सुर्खेतमा सबै भन्दा धेरै मतदान केन्द्र बीरेन्द्रनगरमा ७५ वटा रहने भएका छन भने कम चिङगाड गाँउपालिका १३ वटा रहने भएका छन।
यस्तै गुर्भाकोटमा ४०, भेरीगंगामा ३८, पञ्चपुरीमा २८ लेकबेशी र चौकुनेमामा २६÷२६ वटा केन्द्र रहने कार्यालयले बताएको छ।
उता सिम्ता र बराहतालमा समान २३÷२३ वटा केन्द्र रहने प्रदेश निर्वाचन अधिकारी दुर्गाप्रसाद चालिसेले जानकारी दिए ।
यस्तै स्थानियतहको निर्वाचनमा सुर्खेतबाट दुर्इलाख ४० हजार भन्दा धेरैले मतदानमा भाग लिन पाउने भएका छन।
पछिल्लो चारबर्षमा २२ हजार मतदाता थपिएको भन्दै निर्वाचन कार्यालयले अव दुर्इ लाख ४० ८ सय १ जनाले मतदानमा सहभागीता जनाउन पाउने भएका छन।
२०७४ को निर्वाचमा सुर्खेतमा दुर्इ लाख चार हजार पाँच सय ७७ जना मतदाता रहेका कार्यालयको तथाङक छ।
यसैबीच पछिल्लो चारबर्षमा सुर्खेतका ९ वटा पालिका मध्य बीरेन्द्रनगरमा मात्रै ९ हजार भन्दा धेरै मतदाता थपिएका छन।
२०७४ सालको निर्वाचमा ५८ हजार ६ सय ४४ जना मतदात रहेको बीरेन्द्रनगरमा अहिले ६७ हजार ७ सय ५२ मतदाता पुगेको कार्यालयको भनार्इ छ।
यस्तै अहिले भेरीगंगामा ३१ हजार ६ सय ६३, लेकबेशीमा २२ हजार ३२, पञ्पुरीमा २२ हजार ७ सय ७३ र गुर्भाकोट नगरपालिकामा ३४ हजार मतदाता पुगेका छन।
यस्तै बहाताल गाँउपालिकामा १७ हजार ४ सय ७४ मतदाता पुगेका छन भने सिम्तामा १८ हजार ५ सय ४७ र चिङगाडमा दश हजार ७ सय ५६ र चौकुने गाँउपालिकामा १५ हजार ८ सय २३ मतदाता पुगेका छन।
यस्तै बीच प्रदेश निर्वाचन कार्यालय सुर्खेत स्थानीय तहको निर्वाचनमा जुटेको छ।
कार्यालयले अहिले निर्वाचनका गतिविधि अगाडि बढाएको जनाएको छ।
अहिले कार्यालयले निर्वाचन कार्यालयको स्थापना, जनशक्ति व्यवस्थापन लगायतका काम भईरहेको जनाएको छ।
यसैबीच यसबर्षको निर्वाचनमा बैशाख २९ गते १८ बर्ष पुरा गरेका व्यक्तीले पनि निर्वाचनमा सहभागी हुन पाउने व्यवस्था गरिएको छ।
यसअघि निर्वाचन भएकै दिन १८ बर्ष पुगेकाले मात्र निर्बाचनमा भाग लिन पाउने व्यवस्था गरिएको थियो।
यस्तै ४ सय ५० जनाको दोहोरो नामावली परेकाले उनीहरुको हटाउने काम भर्इरहेको निर्वाचन अधिकारी चालिसेले बताए ।
कार्यालयले यही १९ गते मतदाताको नामावली प्रकाशन तथा २० देखी २२ गतेसम्म नामावलीमा भएको त्रुटि सच्याउने र विरोध उजुरी दिन सक्ने जनाएको छ।
स्थानीय तहहरुमा मतदाता नामावली टाँस गरी त्रुटि हटाउने, नाम सच्याउने लगायतका कामहरु सकेपछि चैत चैत १३ गते अन्तिम नामावली प्रकाशित गरिने प्रमुख चालिसेले बताए।
यस्तैबीच कार्याक्रममा सहभागीहरुले आगामी निर्वाचनमा दलहरुलाई पुर्णरुपमा आचारसहिताको पालन गराउनुपर्ने, दलका घोषणा पत्रहरु सबैले पढ्न सक्ने गरेर राख्नुपर्ने, मतदाता शिक्षालाई प्रभावकारी बनाउनु पर्ने बताएका छन ।
प्रमुख जिल्ला अधिकारी खगेन्द्रप्रसाद रिजालले आगामी स्थानिय तहको निर्वाचनलार्इ सम्पन्न गर्न सबैको साथ आवश्यक रहेकाले आ(आफ्नो क्षेत्रबाट सहयोग गरिन आग्रह गरेका छन् ।
उनले निर्वाचन कार्यालयदेखि, मतदान स्थल र मतदान केन्द्रको पनि उच्च सुरक्षा दिनुपर्ने भएकाले निर्वाचनलार्इ भयरित वातावरणमा सम्पन्न गराउने उल्लेख गरेका छन् ।
यसअघि सुर्खेतका सबै कार्यालय प्रमुखहरुसंग बैठक बसेर निर्बाचनको तयारी लगायत चारवटै सुरक्षा निकायलाई सुरक्षा बन्दोबस्तीको बारेमा छलफल भएको प्रमुख जिल्ला अधिकारी रिजालले बताए ।
