सुर्खेत- आज सुर्खेत आएका नेकपा एमालेका पोलिटब्यूरो सदस्य गोकुल बाँस्कोटाले सभामुख अग्नीप्रसाद सापकोटा विरुद्ध महाअभियोग प्रस्ताव अनुकुलतामा ल्याउने बताएका छन् । सुर्खेत विमानस्थलमा सञ्चारकर्मीसँग कुरा गर्दै पूर्व मन्त्री समेत रहेका बाँस्कोटाले एमालेलाई सक्ने भूमिका खेलिरहेका सभामुख विरुद्ध जुनसुकै समयमा महाभियोग प्रस्ताव ल्याउने बताएका छन् ।
बाँस्कोटाले पुष्पकमल दाहाल प्रचण्ड खोलै खोला जान लागेको आफ्नो नेताको हैसियत जोगाएको पनि आरोप लगाएका छन् । एमसीसीका विरुद्धमा पहाड सिर्जना गर्ने पनि प्रचण्ड नै रहेको उनको भनाई रहेको छ । ‘एमसिसिका बारेमा उहाँले एउटा पहाड सिर्जना गर्न खोज्नुभयो । वानेश्वरका रुख विरुवा कुनैले त्यहाँ शान्ति पाएनन्, प्रहरीको टाउको फूटाउनु भयो तर परिणाम के निकाल्नु भयो त्यसमा कुनै संशोधन भयो र त्यो एउटा उहाँहरुले व्याख्यात्मक टिप्पणीको रुपमा जुन कुरा अघि राख्नु भएको छ त्यो बाध्यात्मक टिप्पणी हो ।
बाँस्कोटाले भने एमसिसि परियोजना त्यति गिजोल्नुपर्ने नभएको बताए । ‘हामीले बारम्बार भन्दै आएका थियौं, यो एउटा आर्थिक विकासको लागि पाँच वर्षे परियोजना हो । उहाँहरुले नेकपा हुँदा केपि ओलीका विरुद्ध हतियार बनाउनुभो । केपि ओलीलाई राष्ट्रघाती बनाउनु भो अब उहाँहरु राष्ट्रवादी हुनुभो । त्यो प्रमाण त उहाँले दिनुभो नि । हामी यो परियोजना कार्यान्वयन होस, देशको हितमा हुनुपर्दछ र यसले लक्षित समुदायमा खासगरि विद्युत लाईन र एक सय किलोमिटर सडक निर्माण तोकिएकै समयमा सम्पन्न होस भन्ने कुरा मात्रै हो ।’
