एजेन्सी- युक्रेनको दक्षिणी सहर खेरसन रुसी सेनाले कब्जा गरेको छ । रुसी हमलाको सातौँ दिन खेरसन रुसी फौजको कब्जामा पुगेको हो ।
सो सहरका मेयरले औषधी र खानेकुरालगायत खाद्यान्नको आपूर्ति सुनिश्चितका लागि राष्ट्रिय सरकारलाई सहयोग गर्न आह्वान गरेको अन्तराष्ट्रि समाचार माध्यमहरुले उल्लेख गरेका छन् ।
रुसी सेनाको हमलामा २०० जनाको मृत्यु भएको स्थानीय परिषद्का एक सदस्यले जानकारी दिनुभयो । मारिनेमध्ये अधिकांश सर्वसाधारण रहेको जनाइएको छ ।
उता उत्तर पश्चिमी युक्रेनी सहर जाइटोमायरमा आपत्कालीन कर्मचारीहरूले रुसी सेनाको मिसाइल हमलामा आवासीय भवनमा लागेको आगो निभाइरहेका छन् । सो सहरमा चार जना मारिएको रुसी अधिकारीहरूले जनाएका छन् ।
हवाई, स्थल र समुद्री मार्गबाट रुसले युक्रेनमा आफ्नो विनाशकारी आक्रमण जारी राखेको छ। युक्रेनमा कम्तिमा ५३६ नागरिकको मृत्यु भएको संयुक्त राष्ट्रसंघले बताएको छ ।
