सुर्खेत- सुर्खेतमा करिब एक करोड लागतमा विद्युतीय स्कुटर र साईकल सोरुम सञ्चालनमा आएको छ ।
कर्णाली प्रदेशको राजधानी वीरेन्द्रनगर सुर्खेतमा पहिलो पटक विद्युतीय स्कुटर र साईकल सोरुम सञ्चालनमा आएको छ । वीरेन्द्रनगर नगरपालिका–१० बुलबुले गेट नजिकै विद्युतबाट चल्ने सवारी साधनको आधिकारिक विक्रि गर्ने उदेश्यले सिबि इन्टरनेश्नल टेड्रिङ कम्पनीले सोरुम सञ्चालनमा ल्याएको हो ।
स्कुटी र साइकलमा ६० भोल्टको व्याट्री प्रयोग गरिएको छ । एक पटक चार्ज गरिएको व्याट्रीले अधिकतम् ९० देखि १२० किलोमिटरको दुरीसम्म ६० को स्पीडमा चलाउन सकिनेछ ।
स्कुटरको मूल्य दुई लाख ६५ हजारदेखी २ लाख ७५ हजारसम्म रहेको छ भने, विद्युतीय साइकलको मूल्य भने ६० हजारदेखी एक लाख २५ हजार मूल्य तोकियाको छ। कम्पनीमा विभिन्न मोडलका स्कुटी र साइकल रहेका छन्।
मुख्यमन्त्री जीवनबहादुर शाहीले उद्घाटन गरेका छन् । मुख्यमन्त्री शाहीले बढ्दो प्रदुषण रोक्न विद्युतिय सवारीको योगदान उच्च रहने र सरकारले विद्युतीय सवारी भित्र्याउन छुट दिइरहेको बताए । विद्युतीय सवारी कर्णालीमा भित्र्याउन थालेपछि मुख्यमन्त्री शाहीले केन्द्र सरकारसँग समन्वय गरेर चार्जिङ्ग सेन्टरको स्थापनामा विशेष पहल गर्ने बचन दिएका छन् । विद्युत उत्पादनले पनि गति लिएको भन्दै यसले पेट्रोलियम पदार्थको खपत घटाउँदै नेपालकै उर्जा खपत हुने विश्वास मुख्यमन्त्रीको रहेको छ ।
