साउदीका राजकुमार नेपालको औपचारिक भ्रमणमा

राष्ट्रिय संञ्चार

३० फाल्गुन २०७८, सोमबार २१:४५ प्रकाशित

काठमाडौँ- साउदी अरबका राजकुमार तथा विदेश मन्त्री फैसल बिन फहरान अल साउद नेपालको औपचारिक भ्रमणमा आएका छन् ।

दुई दिने भ्रमणका लागि राजकुमार साउद आज काठमाडौँ आइपुगेका छन् ।

उनिलाई नेपाल सरकारका परराष्ट्र सचिव भरतराज पौडेलसहित उच्च स्तरीय सरकारी कर्मचारीहरूले त्रिभुवन अन्तर्राष्ट्रिय विमानस्थलमा स्वागत गरेका छन् ।

भ्रमणका क्रममा राजकुमार फैसलले राष्ट्रपति विद्यादेवी भण्डारी र प्रधानमन्त्री शेरबहादुर देउवासँग बेग्लाबेग्लै शिष्टाचार भेटवार्ता गर्ने कार्यक्रम रहेको परराष्ट्र मन्त्रालयले जानकारी दिएको छ ।

परराष्ट्र मन्त्री डा.नारायण खड्काले आफ्ना साउदी समकक्षीसँग भोलि भेटवार्ता गर्ने तथा राजकुमार प्रतिनिधिमण्डलको सम्मानमा दिवा भोज आयोजना गर्ने परराष्ट्र मन्त्रालयले बताएको छ ।