सुर्खेत- भेरी नदीमा बेपत्ता भएका तिन जना बालबालिका अझै भेटिएका छैनन्। उनीहरु चारै जनालाई सशस्त्र प्रहरीको तालिम प्राप्त गोताखोर टोलीले खोजी गरेको थियो। यद्यपि,हिजो बेलुकासम्म पनि फेला नपरेपछि टोली फर्किएको छ ।
भेरी नदीमा सोमबार बिहान करिव १० बजेदेखि सशस्त्रको गोताखोर टोलीले खोजी कार्य सुरु गरे पनि बेलुकासम्म फेला नपरेपछि फर्किएको हो।
३२ नम्बर रक्तकाली गण बांगेसिमल सुर्खेतका डिएसपी करण धामी र सशस्त्र प्रहरी शम्शेरगञ्जबाट प्रहरी सहायक निरीक्षकसहितको चार जनाको टोलीले नदीमा खोजी गरेको थियो।
बेलुकासम्म नदीमा खोज्दा नभेटिएपछि टोली फर्किएको जिल्ला प्रहरी कार्यालय सुर्खेतका प्रवक्ता रामप्रसाद घर्तीले जानकारी दिएका छन् ।
भेरीगंगा नगरपालिका ११ रामघाटस्थित भेरी नदीमा नुहाउने क्रममा शनिबार बेपत्ता भएका गंगा खड्का र कृष्णा सिजाली तथा लेकबेशी नगरपालिका ५ का दिनेश बुढा बेपत्ता रहेका छन्।
