एजेन्सी – बेलायतकी एक महिलाले आफूले पालेको बिरालोसँग विवाह गरेकी छन् । घरपतिका दबाबमा आफ्नो बिरालोसँग छुट्टिन नपरोस् भनेर ४९ वर्षीया डोवोराह होड्जले अन्ततः उसैसँग विवाह नै गरेकी हुन् । ती घरपतिले जनावरलाई आफ्नो घरमा राख्न नदिने अडान लिएका थिए ।
उनी केही वर्षको अन्तरालमा घरपतिको हस्तक्षेपका कारण आफ्ना तीनवटा पाल्तु जनावरबाट टाढिइसकेकी थिइन् । अहिले फेरि ‘इन्डिया’ नामक आफ्नो प्यारो बिरालोबाट छुट्टिनुपर्ने भयका कारण उनले गत महिना त्यसलाई आफ्नो जीवनसाथी बनाएकी हुन् ।
अर्को महिनाको भाडा तिर्न नसकेको खण्डमा दुई सन्तानकी आमा होड्जलाई घरपतिले घरबाट निकाल्न सक्थे । उनलाई पुनः घरपालुवा जनावर साथै राख्न सकिने घरको खोजी गर्नुपर्ने झन्झट आउन सक्थ्यो । त्यसैले एक सामाजिक कार्यक्रम आयोजना गरी उनले कानुनी रित पुग्ने गरी इन्डियाुसँग विवाह गरेकी हुन् ।
साउथ– इस्ट लन्डन पार्कमा आयोजित विशेष विवाहमा होड्जका परिवार र साथीहरू सहभागी भएका थिए । सुन जडित कपडा पहिराइएको पाँच वर्षीय बिरालोले म्याउ म्याउ गर्दै सबैका सामु वैवाहिक शपथ खाएको थियो ।
सिडकप निवासी बेरोजगार होड्ज भन्छिन्, “आफ्ना सन्तानपछि मेरो लागि यो पोथी बिरालो इन्डियाु सबैभन्दा बढी महत्वपूर्ण छ । बरु सडकमै बस्नु परेनि बसुँला तर म यसबाट छुटिन सक्तिन ।
यसअघि आफ्ना घरपतिको कारण उनले सिरीु र स्टारसाइनु नामक दुई बिरालो त्याग्नु परेको थियो । पछिल्लो समय जमालु नामक बिरालो त्याग्न बाध्य भएपछि उनले घरपति समक्ष रोइकराइ गरेर इन्डियाु ल्याएकी थिइन् ।
