फेरी रोकियो फोहोर, नयाँ सम्झौता नमान्ने भन्दै स्थानीय उत्रिए आन्दोलनमा

राष्ट्रिय संञ्चार

२४ जेष्ठ २०७९, मंगलवार १०:४६ प्रकाशित

काठमाडौं । सोमबार सरकारी पक्षसँग भएको सहमति अमान्य भएको भन्दै स्थानीयले फेरी फोहोर फाल्न अवरोध पुर्याएका छन् । बन्चरेडाँडा ल्यान्डफिल साइट प्रभावित क्षेत्र सरोकार समितिले सहमति नमान्ने भन्दै आन्दोलन सुरु गरेको छ ।

सोमबार सिंहदरबारमा भएको सहरी विकास मन्त्रालय, काठमाडौं महानगरपालिका, धुनिबेंसी नगरपालिका, ककनी गाउँपालिकाबीच भएको सहमतिलाई अमान्य भएको भन्दै समिति पुनः आन्दोलनमा उत्रिएको हो ।

सोमबार प्रभावित क्षेत्रका स्थानीय पालिकासँग महानगर र मन्त्रालयले सहमति गरेपछि उपत्यकाको फोहोर विसर्जन हुने अपेक्षा गरिएपनि स्थानीयवासीले त्यसको विरोध गर्दै मंगलबार बिहानदेखि बन्चरे डाँडामा भेला भएका छन् । फोहोर विसर्जनका लागि गएका टिपरहरुलाई उनीहरुले अवरोध गरेका छन् ।