एजेन्सी- जापानीजका पुर्ब प्रधानमन्त्री शिन्जो आबेको निधन भएको छ । संसदको माथिल्लो सभाको चुनावी साभालाई संबोधन गर्दै गर्दा आबे लाई सडकमा गोलि हानेर ढालिएको थियो ।
ढलेको स्थानबाट हस्पिटल पुर्याइए पनि उनलाई मृत घोषणा गरिएको छ ।
जापानमा सबैभन्दा लामो समयसम्म प्रधानमन्त्री बनेका शिन्जो पर्सि हुने संसदको माथिल्लो सभाको चुनावी र्यालीलाइ सम्बोधन गर्ने क्रममा गोली प्रहारबाट मारिएका हुन् ।
बन्दुक र गोली प्रहारको घटनामा शून्य सहनशीलता अपनाएको जापानमा आज अकल्पनीय दुर्घटना भएको बताइएको छ । विश्वमा जापान सबैभन्दा कम गोली काण्ड हुने मुलुकमा पर्छ ।
यसअघि सन् २०१४ मा भएको गोली प्रहारको घटनामा छ जना र सन् २००६ मा दुई जनामाथि गोली प्रहार भएको थियो । १२ करोड ६० लाख जनसंख्या भएको जापानको १९५८ को कानुनले बन्दुक बोक्ने कार्यलाई गम्भीर अपराध मानेको छ ।
जापानले हातमा बोकेर हिँड्ने साना हतियारमाथि कडा प्रतिबन्ध लगाएको छ । तर पनि आज त्यस्तै हतियारबाट पूर्वप्रधानमन्त्री मारिएका छन् ।
अबेको निधनमा विश्वका नेताहरुले शोक व्यक्त गरेका छन् ।
