भदौ – छैटौं संस्करणको साफ महिला च्याम्पियनसिप फुटबल आजदेखि दशरथ रंगशाल काठमाण्डौमा सुरु हुदैछ।
आज साँझ पाँच बजेदेखि दशरथ रंगशालामा हुने उदघाटन खेलमा घरेलु टोली नेपालले भुटानसँग खेल्नेछ ।
विश्व फुटबल महासंघ फिफाले पाकिस्तानमाथि झण्डै पाँच वर्ष र भारतमाथि दुई साताको निलम्बन फिर्ता लिएपछि दक्षिण एसियाका सातै टिमले च्याम्पियनसिपमा प्रतिस्पर्धा गर्दैछन् ।
यसपटक नेपाललाई घरेलु मैदान र दर्शकअघि उपाधि जित्दै अन्तर्राष्ट्रिय महिला फुटबलमा उपाधि खडेरी तोड्ने अवसर छ ।
नेपाल चार पटक उपविजेता बन्दा एक पटक सेमिफाइनलबाट बाहिरिएको थियो भने यसअघिका पाँच वटै संस्करण भारतले जितेको छ ।
सन् २०१९ मा मार्चमा भएको साफ च्याम्पियनसिप र २०१९ डिसेम्बरमा भएको १३औं साग फाइनल नेपाल भारतसँग पराजित हुँदै उपविजेजता बनेको थियो ।
यस पटक भारतलाई नै हराएर पहिलो पटक च्याम्पियन बन्ने नेपालको लक्ष्य रहेको छ ।
