सुर्खेत- इन्सेक कर्णाली प्रदेश कार्यालय, प्रगतिशिल मानव अधिकार रक्षक सञ्जाल र नमुना कर्णाली मानव अधिकार रक्षक सञ्जाल र नेपाल रेडक्रम सोसाइटी जिल्ला शाखा सुर्खेतसँगको सहकार्यमा रक्तदान कार्यक्रम आयोजना गरेको छ ।
सङ्कट कालको अवस्थामा बलपूर्वक बेपत्ता पारिएका व्यक्तिको सम्झनामा कर्णालीको राजधानी वीरेन्द्रनगर सुर्खेतको पिपल चौतारीमा यहि भाद्र १९ गते रक्तदान कार्यक्रम गरिएको छ ।
रक्तदान कार्यक्रममा बोल्दै प्रदेश योजना आयोगका पूर्व सदस्य डा. दिपेन्द्र रोकायाले “अर्काको ज्यान बचाउनका लागि यस्ता कार्यक्रमले प्रभावकारी हुने बताएका छन् ।” “उनले भने अन्य सङ्घ संस्थाले पनि यस्ता खालका कार्यक्रमको आयोजना गर्नुपर्नेमा पनि सुझाब दिएका छन् ।”
बेपत्ता पारिएका व्यक्तिको सम्झनामा आयोजित रक्तदान कार्यक्रममा १५ जनाले रक्तदान गरेको इन्सेकका कार्यक्रम संयोजक किरण पौडेलले जानकारी दिए ।
कार्यक्रममा मानव अधिकारकर्मी, सञ्चारकर्मी र अन्य नागरिक सङघ, संस्थाका प्रतिनिधिहरूको उपस्थिति रहेको थियो ।
