आज महिला साफ च्याम्पियनसिपमा दुईवटा खेल हुँदै

राष्ट्रिय संञ्चार

२८ भाद्र २०७९, मंगलवार १४:०२ प्रकाशित

काठमाडौं- नेपालमा चलिरहेको छैटौँ संस्करणको महिला साफ च्याम्पियनसिप फुटबल अन्तर्गत आज समूह (ए) को समूह चरणका अन्तिम दुई खेलहरु हुँदैछन् ।

त्रिपुरेश्वरमा रहेको दशरथ रङ्गशालामा दिउँसो १ बजे सुरु हुने पहिलो खेलमा माल्दिभ्स र पाकिस्तान खेल्दैछन् । दुवै टोली प्रतियोगिताबाट बाहिरिसकेका छन् । यस्तै दोस्रो खेलमा बेलुकी साढे ५ बजे भारत र बङ्गलादेशबीच प्रतिस्पर्धा हुनेछ ।

सेमिफाइनलमा प्रवेश गरिसकेका भारत र बङ्गलादेशबीचको खेलले समूह विजेता र उपविजेता तय हुनेछ । समूह (बी) बाट नेपाल र भुटान सेमिफाइनलमा पुगिसकेका छन् ।