सुर्खेत- कर्णाली प्रदेशको राजधानी वीरेन्द्रनगरमा आज एक कार्यक्रमका बिच असिम अटो पार्टसले बजाज कम्पनीको एन एस १२५ सिसि(ns 125 cc ) मोटरसाइकल लन्च गरेको छ l नेपालका लागि आधिकारिक वितरक हंसराज हुलासचन्द एण्ड कम्पनी प्रालिले नेपाल भित्र्याएको सो मोटरसाईकल आजदेखि कर्णाली प्रदेशमा असिम अटो पार्टसले पनि सार्वजनिक गरेको हो ।
लामो समय देखि बजाज कम्पनीको मोटरसाइकल खरिद बिक्रि गर्दै आएको असिम अटो पार्टसले अब ग्रहाकको मध्येनजर गरेर बजाजको एन एस १२५ सिसि (ns 125 cc) को मोटरसाइकल बजारमा ल्याएको हो l २ लाख ८० हजार रुपैयाँ मूल्य रहेको एनएस १२५ गत वर्ष भारतमा सार्वजनिक भएको थियो । तर एनएस मोटरसाइकल ढिलै गरी भएपनि सुर्खेतमा समेत यो वर्षदेखि भित्रिएको बताइएको छ । पल्सर एन सिरिजका अन्य वाइकमा जस्तै यसको लुक्स तथा डिजाइन समेत स्ट्रिट फाइटर प्रेरिरत रहेको बजाजका आधिकारिक विक्रेता असिम अटो पार्टस सुर्खेतका सञ्चालक लक्ष्मण कँडेलले जानकारी दिए ।
उनकाअनुसार यो नयाँ मोटरसाइकलमा कम्पनीले १२४.४५ सिसीको विएस ६ इन्जिन जडान गरेको छ । किक र सेल्फ दुवै तरिकाले स्टार्ट गर्न मिल्ने सुविधा दिइएको यसको अधिकतम पावर १२ पिएस र टर्क ११ एनएम रहेको कँडेलले बताए । यसमा ५ स्पिड गियरवक्स दिइएको छ भने उच्चतम गती ११८ किलोमिटर प्रतिघन्टा रहेको छ । यो वाइकले प्रतिलिटर इन्धन खपतमा ६० किलोमिटर माथी माइलेज प्रदान गर्ने दावी गरिएको छ ।
स्लिक हेडल्याम्प र पल्सरको ट्रेडमार्क हेडलाइटले वाइकलाई थप स्पोर्टी देखाउन मद्धत गरेको छ । यसमा ट्विन पाइलट ल्याम्पसहित हेलोजन हेडल्याम्प र एलइडी टेल ल्याम्प दिइएको छ । वाइकमा एनालग डिजिटल क्लस्टर जडान गरिएको छ ।
मूल्य कम गर्न बजाजले एनएस सिरजका अन्य वाइकमा जस्तो यसमा धेरै फिचर्स भने उपलब्ध गराएको छैन । नेपाली बजारमा यसले टिभिएस रेडरसंग कडा प्रतिस्पर्धा गर्ने देखिएको बजाज कम्पनीले बताएको छ ।
