काठमाण्डौ -नेपाल क्रिकेट सङ्घ क्यानले आयोजना गर्ने नेपाल टी–२० लिगको मिति सरेको छ ।
प्रतिनिधि सभा तथा प्रदेश सभा चुनावको कारण देखाउँदै लिगको मिति सारिएको हो । यसअघि असोज ८ देखि कात्तिक ५ गतेसम्म प्रतियोगिता आयोजना हुने तालिका रहेको थियो ।
लिगको नयाँ मिति भने सार्वजनिक भएको छैन ।
लिगमा खेल्ने खेलाडी तथा मैदानको सुरक्षाको लागि गृह मन्त्रालयलाई क्यानले पत्राचार गरेको थियो । तर गृह मन्त्रालयले प्रतिनिधि सभा र प्रदेश सभा चुनावपछि मात्रै प्रतियोगिता सञ्चालन गर्न भनेको छ ।
प्रतियोगितामा ६ वटा टोली सहभागी हुनेछन् ।
केही टोलीले विदेशी खेलाडी समेत अनुबन्ध गरिसकेका छन् ।
कुनै सल्लाह, सुझाव वा प्रतिकृयाको लागि [email protected] मा इमेल पठाउन सक्नुहुन्छ ।