सुर्खेत-कर्णाली प्रदेशमा डेंगी रोगबाट संक्रमितको संख्या ५ सय नाघेको छ।
प्रदेश स्वास्थ्य सेवा निर्देशनालयले डेंगी भाइरल ज्वरोबाट प्रदेशमा कुल ५४१ जना संक्रमित भएको जनाएको छ।
कर्णाली प्रदेशका दश जिल्ला मध्ये सुर्खेतमा सबैभन्दा धेरै डेंगीबाट संक्रमित भएकाछन।
सुर्खेतमा ४२२ डेंङ्गु रोगबाट संक्रमित छन् भने सल्यानमा २२ जना जुम्लामा २२ जना, कालिकोटमा २१ जना र दैलेखमा १४ जना संक्रमित छन।
यस्तै रूकुम पश्चिममा १८ जना, हुम्ला र डोल्पामा १-१ जना संक्रमित रहेको प्रदेश स्वास्थ्य सेवा निर्देशनालय सुर्खेतका डेंगी रोग नियन्त्रण फोकलपर्शन श्याम आचार्यले बताए।
उनले सुर्खेतको वीरेन्द्रनगर क्षेत्र डेंगी संक्रमणको रेडजोनमा रहेको भन्दै अहिले सचेतनमुलक कार्यक्रमहरु संञ्चालन भर्इरहेको बताए।
वीरेन्द्रनगरमा अहिलेसम्म २०० जना भन्दा बढी डेंगीबाट संक्रमित भएकाछन्।
यस्तैबीच डेंगीरोग नियन्त्रण सम्बन्धि सञ्चारकर्मीसँग अन्तरक्रिया एवम् छलफल कार्यक्रम गरेको छ।
कार्यक्रममा प्रदेश अस्पताल सुर्खेतका फिजिसिएन डाक्टर केएन पौडेलले डेंगी मच्छर नियन्त्रण र विरामीलाई झुलभित्र राखेर उपचार गर्नुपर्ने बताए।
डेंगी रोग पोथी मच्छरको टोकाइकाट सर्ने रोग हो।
प्राय: विहान, दिउँसो र बेलुका यो मच्छर सबैभन्दा कढी सक्रिय हुन्छ।
संक्रमितलाई टोकेको मच्छरले अन्य व्यक्तिलाई टोकेमा डेंगी रोग फैलिने गर्छन।
