Advertisement

काठमाडौं- नेपाली बजारमा सुनको मुल्य लगातार बढ़ने क्रममा रहेको छ आज  सुनको मूल्य १ हजार ३ सय रुपैयाँले बढेको छ ।

Advertisement

तोलामा आज सुन ९६ हजार ७ सय रुपैयाँ पुगेको छ । हिजो तोलाको ९५ हजार ४ सय रुपैयाँ थियो । केही दिनयता सुनको भाउ लगातार बढिरहेको छ ।

अन्तर्राष्ट्रिय बजारमा नै भाउ बढेकाले नेपाली बजारमा पनि महँगो भएको नेपाल सुन चाँदी व्यवसायी महासङ्घका पूर्व अध्यक्ष तेज रत्न शाक्यले बताए । उनका अनुसार सुनको भाउ अझै बढ्ने सङ्केत छ । अमेरिकामा अहिले भइहेको मध्यावधि चुनावको असर सुनमा परेको शाक्यले बताए।

Advertisement

चुनावका कारण अमेरिकामा डलरको मूल्य केही कमजोर भएकाले लगानीकर्ताले सुनमा लगानी गर्न थालेका छन् । यसकै असर भाउमा परेको हो ।

यस्तै, आज चाँदीको भाउ पनि बढेको छ । तोलामा १० रुपैयाँले बढेर चाँदी आज १ हजार २ सय ९५ रुपैयाँमा कारोबार भइरहेको छ ।

Advertisement

Advertisement