देशको अवस्था परिवर्तनका मुद्दामा संचार क्षेत्र अग्रसर हुनुपर्छ

देशको अवस्था परिवर्तनका मुद्दामा संचार क्षेत्र अग्रसर हुनुपर्छ – मुख्यमन्त्री शर्मा

विमल खनाल

१५ माघ २०७९, आईतवार १४:०० प्रकाशित

सुर्खेत- कर्णाली प्रदेशका मुख्यमन्त्री राजकुमार शर्माले देशको व्यावस्था परिवर्तन भए पनि जनताको अवस्था परिवर्तन नभएको बताएका छन् ।

प्रेस सेन्टर नेपाल कर्णाली कमिटिको आयोजनामा गरिएको कार्यक्रममा बोल्दै उनले यस्तो बताएका हुन । साथै उनले संचार क्षेत्र देशको अवस्था परिवर्तनका मुद्यामा अग्रसर हुनुपर्ने धारणा समेत राखेका थिए । आफु कर्णाली प्रेदश वासी जनताको कामदार रहेको उनको भनाई थियो । मुख्यमन्त्री शर्माले भने, ‘म कामदार हँु, म कामदारलाई सहि तरिकाले काम दिनुहुने छ, साथै कर्णाली समृद्धिको अभियानमा पत्रकारीता जगतले सहयोग गर्ने छ ।’

अहिलेको माग अवस्था परिवर्तन भएकाले त्यसतर्फ केन्द्रित हुनुपर्ने उनको भनाई थियो । साथै सञ्चार माध्यामले पनि समस्या मात्र नऔल्याएर समाधानको मार्ग तर्फ केन्द्रित हुनुपर्ने धाराणा राखेको थिए ।