आज सुनको मुल्य १४ सय रुपैयाँले घट्यो

राष्ट्रिय संचार

२० माघ २०७९, शुक्रबार ११:२५ प्रकाशित

काठमाडौ- हिजो बिहीवार मुल्य बढेर अहिलेसम्मकै उच्च पुगेकोमा सुनको मुल्य आज शुक्रवार भने तोलामा १४ सय रुपैयाँले घटेको छ ।

आज सुनको मुल्य तोलामा एक लाख छ हजार एक सय रुपैयाँमा झरेको छ । हिजो तोलामा सुनको मुल्य एक लाख सात हजार पाँच सय रुपैयाँ थियो ।

आज चाँदीको पनि मुल्य घटेको छ । तोलामा ३० रुपैयाँले घटेर चाँदी आज एक हजार तीन सय ६५ रुपैयाँमा कारोबार भइरहेको छ ।

अन्तर्राष्ट्रिय बजारमा नै सुनको मुल्य बढेकाले नेपालमा पनि महँगो भएको नेपाल सुन चाँदी व्यवसायी महासङ्घले बताएको छ । विश्वमा आर्थिक स्थिरता नहुँदा लगानी सुरक्षित हुन सकेको छैन । सुरक्षित लगानीका लागि सुनमा लगानी बढेकाले अहिले सुनको माग र कारोबार बढ्दा मुल्य बढेको महासङ्घको भनाइ रहेको छ ।