सुर्खेत- सुर्खेतको लेकबेशी नगरपालिकाले स्वयमसेवक करार तथा पि.सि.एफ शिक्षकलाई हाजीरी नगर्न/ नगराउन भनेको प्रति नेपाल शिक्षक महासघ लेकबेशीनगर समिति कल्याणले गम्भिर रुपमा ध्यानाकर्षण भएको जनाएको छ।
लेकबेशी नगरपालिकाले नगरका विभिन्न विद्यालयमा दक्ष शिक्षक व्यवस्थापन गर्दै लैजानुपर्नेमा विभिन्न तहमा कार्यरत स्वयमसेवक करार तथा पि.सि.एफ शिक्षकलाई चैत्र ३ गतेबाट विद्यालयमा हाजिर नगर्नु /नगराउनु भनेको छ।
नगरपालिकाले कुनैपनि बैठक नबसी एकोहोरो परमादेश शैलीमा यस्तो गरेको समितिले जनाएको छ।
नगरपालिकाले मनेमानी ढङ्गले शिक्षकको हाजिरी नगराउदा यहि चैत ५ गतेदेखि सचालन भैरहेको विद्यालयको वार्षिक परीक्षामा कुनैपनि असर नपर्ने गरि समितिले चैत्र ४ गते ज्ञापनपत्र बुझाएको छ।
ज्ञापनपत्रमा चैत्र १ गतेदेखि विद्यालयमा हाजिरी नगर्नु /नगराउनु भन्ने सुचनालाई तत्काल सच्याई करार र प.सि.एफ शिक्षकलाई विद्यालयमा नियमित उपस्थितको वातावरण मिलाउन माग गरिएको छ।
यसैगरी समितिले तुररुन्त नगर कार्यपालिकाको बैठक बसि स्वयम्सेवक करार र पि.सि.एफ शिक्षकको नियमितताका लागि सिफारिस गर्न समेत ज्ञापनपत्रमा भनेको छ।
समितिले लेकबेशीको समग्र विकासका लागि विज्ञ समिति निर्माण गरी कार्य अघि बढाउन ज्ञापत्रपत्रमा उललेख गरीएको छ।
