सुर्खेत- वीरेन्द्रनगर १६ का स्थानीय युवा एवम् समाज सेवी धर्मराज लामिछानेले आफ्नो जन्म दिन विद्यालयमा मनाएकाछन् ।
लामिछानेले जन्मदिनकाेअवसरमा वीरेन्द्रनगर १६ मा रहेकाे आदर्श माध्यामिक विद्यालय मेहेलीमा अध्यनरत १२ जना विद्यार्थीलाई स्कूल पोशाक उपलब्ध गराएकाछन् ।
उनले आफूले कक्षा १ देखि १२ सम्म अध्ययन गरेको विद्यालय श्री आदर्श माध्यामिक विद्यालय मेहेलीमा अध्यनरत १ देखि १२ कक्षा सम्म अध्ययनरत प्रत्येक कक्षाका १-१ जना गरिब तथा जेहेन्दार विद्यार्थीलाई जन्म दिनमा हुने फजुल खर्चलाई कटाएर १२ जोर स्कूल पोशाक उपलब्ध गराएकाहुन् ।
उनले जन्म दिनमा विभिन्न नाममा हुने विभिन्न फजुल खर्च गर्ने मान्छे हरुमा सकरात्मक किसिमको संदेश पनि जावस भन्ने उदेश्यले यो कार्य गरेको बताए ।
साथै उनले विद्यालयको र विद्यार्थी भाइबहिनी हरुको हितकोलागि आगामी दिनहरुमा पनि रात दिन नभनी अहाेरात्र लागी रहने प्रतिबद्धता पनि जनाएकाछन् ।
विद्यालयको तर्फ बाट प्रध्यानध्यापक राजकुमार सापकोटाले लामीछानेलाई जन्म दिनको शुभकामना दिदै धन्यवाद दिएकाछन् । साथै सापकाेटाले लामिछानेको यो सहयोगले विद्यार्थी भाई बहिनीहरुलाई राम्रो सहयोग भयको र बिद्यार्थीहरु उत्साहित भयको बताएकाछन् ।
कार्यक्रममा विद्यालयका शिक्षक तथा १ कक्षा देखि १२ सम्मका विद्यार्थीहरुको सहभागिता रहको थियो ।
