सुर्खेत – नेकपा (माओवादी केन्द्र) निकट विद्यार्थी संगठन अखिल (क्रान्तिकारी) सुर्खेत जिल्ला संयोजकको जिम्मेवारी टिकाराम विकले लीएका छन ।
सोमबार बसेको विशेष भेलाबाट विक सर्वसम्मत रुपमा चयन भएका हुन् । यसअघि जगत शाही संयोजक थिए । नवनिर्वाचित संयोजक विकले गौरवमय इतिहास् बोकेको विद्यार्थी संगठनलाई जिल्लामा मजबुद बनाइने बताएका छन ।
वीरेन्द्रनगर नगरपालिका वडा न १६ मेहेली निवासी विक यसअघि जिल्लाको वरिष्ठ उपाध्यक्ष, जिल्ला कमिटी सदस्य, सचिवालय सदस्य भएर काम गरिसकेको अनुभव रहेेकाे छ । उनले विगतको अनुभवलाई संगाल्दै आगामी दिनमा अखिलको संगठनलाई बलियो र स्थापित गराउने प्रतिबद्धता जनाएका छन ।
उनी पेशाले सिभिल इञ्जिनियर हुन् । समाज सेवामा समेत अग्रसर उनी ०७२ मा भूकम्पले क्षतिग्रस्त पुर्वका जिल्लाहरुमा भएर पुनः निर्माणको काममा खटिएका थिए । त्यो बेला प्राविधिक भएर काम गरेका उनले सहरी विकास तथा भवन निर्माण कार्यालयमा समेत प्राविधिक भएर काम गरेका थिए ।
साथै उनले आफ्नो कार्यकालमा अखिल क्रान्तिकारीका पालिका संगठनहरु समेत चलायमान गराइने बताए । साथै विद्यार्थीको हक हितका लागि आफु प्रतिबद्ध भएर लाग्ने उनको भनाइ रहेकाे छ ।
विद्यार्थी संगठनहरुको प्रमुख एजेण्डा भनेको शिक्षा क्षेत्रको आमुल परिवर्तन हो । तर पछिल्लो समय संगठनहरु शिक्षा क्षेत्रको विकास भन्दा पनि अन्यत्रै रुमलिरहेकाे देखिन्छ । विकले आफ्नो हकमा त्यसो नहुने उनका भनाइ रहेकाे छ ।
