विवाह गरेको २४ घण्टा पनि बित्न नपाउँदै पुछियो प्रमिलाको सिउँदो
एक महिला लाई यो भन्दा ठूलो दुःख के हुन सक्छर यहाँ विवाह भयको 24 घण्टा बित्न नपाउँदै उनको सिउँदो बाट सिन्दुर पुछियो उनले आफ्नो श्रीमान संग 24 घण्टा पनि बिताउन पाइनन् हो सर्षक हिन थाहा नगरपालिका–८ ऐँसेलु खर्कका २५ वर्षीय तिलक कुमार थिङ र कैलाश–५ गोगनेकी २५ वर्षकी प्रमिला गोलेले २८ भदौमा तामाङ परम्पराअनुसार विवाह गरे। तर दुर्भाग्यवश, विवाहको एक दिन पनि नपुग्दै प्रमिलाको सिउँदोबाट तिलकले हालिदिएको सिन्दुर पुछियो।
तीन वर्षअघि एक देवाली पूजामा पहिलोपटक भेटिएका तिलक र प्रमिलाको प्रेम सम्बन्ध मोबाइल सन्देशहरूबाट सुरु भएको थियो। परिवारले पनि उनीहरूको प्रेमलाई स्वीकृति दिइसकेको थियो, र उनीहरू चाँडै विवाह गर्ने योजनामा थिए। तर, उनीहरूले २८ भदौमा परिवारलाई बिना जानकारी साथीको घरमा सुटुक्क विवाह गरे।
विवाहको रात प्रमिला आफ्नो जन्मघर छोडेर नयाँ घरको चिन्तामा निदाउन सकिनन्। तिलक पनि छटपटाइरहेका थिए, र प्रमिलाले सोचेकी थिइन्, “शायद तिलकलाई पनि म जस्तै डर लागिरहेको होला।”
तर, बिहानीको ४ बजेतिर तिलकका हातहरू काँप्न थाले र श्वास फेर्न गाह्रो भयो। प्रमिलाले तिलकलाई पानी खुवाइन्। तर उनी निरन्तर अस्वस्थ महसुस गर्दै थिए। दिउँसो १२ बजेतिर तिलक अचानक भुइँमा लडे, र फेरि कहिल्यै उठेनन्।
तिलकको मृत्युको कारण परिवारले प्रेसरलाई मानेका छन्। केही समयदेखि तिलकलाई डिप्रेसनको समस्या पनि थियो। तीन वर्षकै उमेरमा बाबु गुमाएका तिलककी आमाले केही महिनाअघि मात्र दोस्रो विवाह गरेकी थिइन्, जसपछि तिलक मानसिक रूपमा कमजोर भएका थिए।
तिलकको मृत्यु भएको पाँच दिनपछि प्रमिलालाई उनको माइती पक्षले लगेका छन्। सासु-ससुरा र श्रीमानको अनुपस्थितिमा प्रमिला माइतीमै बस्ने निर्णय भएको छ। विवाहको सपनासहित सिन्दुर लगाएर भित्रिएकी प्रमिला एकै दिनमै विधवा हुनुपर्यो, र उनको भविष्य अन्धकारमय देखिन्छ।
