ग्रेस इन्टरनेशनलले यु–१६ राष्ट्रिय क्रिकेट प्रतियोगिताका उत्कृष्ट खेलाडीहरूलाई सम्मानस्वरूप छात्रवृत्ति प्रदान गरेको छ। मिड भ्याली एसएस कलेज, सानोठिमी भक्तपुरको सहकार्यमा सातवटै प्रदेशका एक–एक जना प्रतिभावान खेलाडीलाई कक्षा ११ र १२ मा पूर्ण रुपमा निःशुल्क अध्ययनको अवसर दिइने भएको हो।
छात्रवृत्ति प्राप्त गर्ने खेलाडीहरू यस प्रकार छन्:
-
रबिन मण्डल – कोशी
-
रुपेश यादव – मधेश
-
रोमन भट्टराई – बाग्मती
-
प्रकाश खनाल – गण्डकी
-
दक्ष ठाकुर – लुम्बिनी
-
कैलाश खड्का – कर्णाली
-
लोकेश चन्द – सुदूरपश्चिम
उनीहरूलाई छात्रवृत्तिका प्रमाणपत्रहरू वीरेन्द्रनगरमा जारी प्रतियोगिता अन्तर्गत बिहीबार कालुङचोक क्रिकेट मैदानमा आयोजित विशेष कार्यक्रममा कर्णाली प्रदेशका पूर्वमुख्यमन्त्री राजकुमार शर्माले हस्तान्तरण गरे।
कार्यक्रममा बोल्दै ग्रेस इन्टरनेशनल, सुर्खेतका निर्देशक विशाल ढकालले युवा खेलाडीहरूको प्रतिभा र प्रयासको कदरस्वरूप छात्रवृत्ति प्रदान गरिएको जानकारी दिए।
साथै, ग्रेस इन्टरनेशनलले नेपाल क्रिकेट संघ, कर्णाली प्रदेशलाई थप प्रोत्साहनस्वरूप विभिन्न क्रिकेट सामग्रीहरू पनि हस्तान्तरण गरेको छ।
