गोरखाबाट काठमाडौं जादै गर्दा बीच सडकबाटै हराएको बस झाप्ले खोलामा भेटियो यस्तो अवस्थामा
धादिङको झ्याप्ले खोलामा पहिरोले पुरिएको बसबाट १४ जनाको शव निकालिएको छ। सशस्त्र प्रहरीले दिएको जानकारीअनुसार लु १ ज ४५७८ नम्बरको माइक्रोबसबाट ५ जनाको र नम्बर नखुलेको बसबाट ९ जनाको शव फेला परेको हो। उद्धार कार्य अझै पनि जारी छ, र अन्य यात्रुहरूको खोजी भइरहेको छ।
यो घटनामा आज बिहान बुटवलबाट काठमाडौंतर्फ आउँदै गरेको तीनवटा सवारीसाधन पहिरोमा पुरिएका थिए। पहिरोका कारण सडक अबरुद्ध भएपछि उद्धारको कार्य कठिन बनेको छ। निरन्तरको वर्षा र पहिरोले गर्दा पृथ्वी राजमार्गको नौबीसे–मुग्लिन खण्ड निकै क्षतविक्षत अवस्थामा पुगेको छ, जसले यातायात व्यवस्थापनमा थप चुनौती थपेको छ।
यसअघि, झ्याप्ले खोलामा पुरिएका १३ जनाको शव निकालिएको थियो, जसमा गोरखाबाट काठमाडौं आउँदै गरेका बसका यात्रुहरू भएको अनुमान गरिएको थियो। खोजी कार्य जारी रहेको स्थानमा अर्को पुरिएको हायस भेटिनुले दुर्घटनाको भयावहता झन् बढाएको छ। उद्धारकर्मीहरू यस क्षेत्रबाट पुरिएका शवहरू निकाल्ने प्रयासमा निरन्तर सक्रिय छन्। अझै कति सवारीसाधन पुरिएका छन् भन्ने यकिन हुन सकेको छैन, तर उद्धार कार्य कठिनाइका बाबजुद जारी रहेको छ।
देशका अन्य भागहरूमा पनि निरन्तर वर्षाका कारण पहिरोको जोखिम उच्च रहेको छ, जसले गर्दा काठमाडौंतर्फ आउने मुख्य राजमार्गहरू अवरुद्ध भएका छन्।
