आफ्नो निधनपछि पनि युट्युबमा सक्रिय रहने मिस्टर बिस्टको खुलासा, बनाइसके १५ गोप्य भिडिओ
मिस्टर बिस्ट (जिमी डोनाल्डसन), जो युट्युबमा सबैभन्दा धेरै सब्सक्राइबर भएका क्रिएटर हुन्, उनले एक अद्भुत रहस्य खोल्दै आफ्नो निधनपछि पनि युट्युब च्यानलमा सक्रिय रहने योजना बनाइसकेको खुलासा गरेका छन्। उनले १५ ओटा गोप्य भिडिओहरू पहिले नै तयार पारेका छन्, जसलाई उनको निधनपछि नियमित रूपमा अपलोड गरिनेछ। यो चकित पार्ने खुलासा उनले “इम्पल्सिभ” नामक पडकास्टमा, केएसआई र लोगन पलसँगको कुराकानीको क्रममा गरेका हुन्।
केएसआईले कुराकानीको क्रममा मिस्टर बिस्टलाई अर्को चर्चित युट्युबर निकोकाडो अवोकाडो (निकोल पेरी)को नाम लिएर सोधे, “तपाईँले पनि त्यस्तै गर्नुहुन्छ कि जस्तो लाग्छ?” निकोकाडोले आफ्नो तौल घटाइरहँदा आफ्नो पुराना भिडिओहरू प्रयोग गरेर इन्टरनेटमा दुई वर्षसम्म प्र्याङ्क गरेका थिए। केएसआईको प्रश्नलाई जवाफ दिँदै मिस्टर बिस्टले भने कि उनले पनि निधनपछि अपलोड गरिने १५ ओटा भिडिओहरू आफ्नो टिमलाई तयार गर्न लगाइसकेका छन्।
उनका अनुसार यी भिडिओहरू एक पुरानो कम्प्युटरमा सुरक्षित राखिएका छन्, र यसबारे कम्पनीका केही व्यक्तिहरू मात्र जानकार छन्। यद्यपि उनले भनेका छन् कि ती भिडिओहरू आजकलका स्तरीय भिडिओहरूजस्ता नभए पनि, तिनले दर्शकहरूलाई मनोरञ्जन दिनेछन्। मिस्टर बिस्टले भने, “केही भिडिओहरू खासै राम्रा छैनन्, एउटा त मैले टेबलमा बसेर पुराना फ्यान मेलहरू (प्रशंसकले पठाएका पत्रहरू) खोलिरहेको छु।”
सबैभन्दा रोचक कुरा, उनले “मेरो अन्तिम भिडिओ” शीर्षकमा एउटा विशेष भिडिओसमेत अपलोड हुने बताएका छन्। ती सबै भिडिओहरू बिस्तारै, प्रत्येक महिना एक–एक गरेर अपलोड गरिने योजना बनाइएको छ। उनले यस्तो कदम उठाउनुको कारण भने, आफ्ना दर्शकहरूलाई आफु अझै पनि जीवित रहेको भान गराउनु रहेको बताएका छन्। यस प्रकार, मिस्टर बिस्टले आफ्नो निधनपछि पनि युट्युबमा निरन्तर उपस्थित रहनेछन्, जसले उनलाई सधैं सम्झन लायक राख्नेछ।
उनको यो योजना र साहसिक कदमले दर्शकहरूलाई थप चकित पार्ने विश्वास गर्न सकिन्छ।
