लोकप्रिय गायिका रचना रिमालले आफ्नो आधिकारिक लोगो सार्वजनिक गरेकी छन्। कलाकारहरूले आफ्नो ब्राण्ड र पहिचानलाई मजबुत बनाउन लोगो निर्माण गर्ने चलन विश्वव्यापी रूपमा रहेको छ।

Advertisement

रिमालको लोगोमा उनका नामको अंग्रेजी अक्षर “R,” संगीत, र नेपालको सर्वोच्च शिखर सगरमाथाको आकृति समेटिएको छ। यो लोगो उनले अर्घाखाँची महोत्सवको मंचमा विशेष कार्यक्रमको बीचमा सार्वजनिक गरिन्।

कलाकार मनोज गजुरेलले रचनाको लोगोको प्रशंसा गर्दै यसलाई कर्म र पहिचानलाई जीवन्त राख्ने सिर्जनशील प्रक्रिया भनेका छन्। साथै, उनले लोगोमा रङको प्रयोग थप गर्दा अझ आकर्षक हुने सुझाव दिएका छन्।

चर्चित विदेशी कलाकारहरूको लोगो

• माइकल ज्याक्सन: दिवंगत पपस्टार ज्याक्सनको लोगोमा ताजसहित “MJ” लेखिएको छ।
• बियोन्से: पपक्वीन बियोन्सेको लोगोमा साधारण तर स्लिक डिजाइनमा उनको नाम छ।
• टेलर स्विफ्ट: स्विफ्टको लोगोमा सिग्नेचर स्टाइल प्रयोग गरिएको छ।
• द विकेन्ड: उनले आफ्नो ब्राण्ड पहिचानका लागि “XO” लेखेका छन्।
• एड सिरन: सिरनले “प्लस (+)” र “डिभाइड (÷)” जस्ता चिन्हलाई आफ्नो लोगोमा स्थान दिएका छन्।

रचना रिमालको लोगो सार्वजनिक हुनुले नेपाली कलाकारहरूको पहिचान र ब्राण्डिङमा नयाँ आयाम थप्ने अपेक्षा गरिएको छ।