बर्दिया जिल्लालाई प्रतिनिधित्व गर्दै बढैयातालका युवाहरुको नमुना युवा प्रदेश सभामा सहभागिता

विश्वास चापागाई,  बर्दिया

लुम्बिनी प्रदेशको तिलोत्तमामा जेठ ८ गते देखि सुरु भएको नमुना संसदीय अभ्यास कार्यक्रम ११ गते समापन भएको छ।

४ दिने सम्म चलेको उक्त कार्यक्रम लुम्बिनी प्रदेशका सबै स्थानीय तहको गाउँसभा बाट छनौट भएर आएका युवाको प्रतिनिधित्व गर्ने ४२ जना युवाहरूको सहभागिता रहेको थियो । यसै गरी बर्दिया जिल्लालाई प्रतिनिधित्व गर्दै बढैयातालका ३ युवाहरु सपना विक, स्वस्तिका खड्का र सरिना थारूले नमुना युवा प्रदेश सभामा सहभागी जनाएका थिए ।

उनीहरूले नमुना प्रदेश सभाको रोस्टमा उभिएर विभिन्न विषय वस्तु बारे आवाज उठाएका थिए । बढैयातालका युवाहरुले नेपाली समाजमा देखिएका विभिन्न कुरीति, वेथिति जस्तै युवा रोजगार,  लागु औषध,  महिला सशक्तिकरण जस्ता विषयहरूमा आफ्ना आवाजहरु नमुना संसदमा बुलन्द रुपमा राखेका थिए ।

            रोस्टममा बोल्दै स्वस्तिका खड्का                  रोस्टममा बोल्दै सपना वि.क

कार्यक्रममा  लुम्बिनी प्रदेश सांसद तथा पुर्वमन्त्री इन्द्र जीत थारुले लोकतान्त्रिक प्रणाली शासकीय स्वरूप र राज्य सञ्चालनको प्रक्रिया,सरकार निर्माण प्रक्रिया, बजेट निर्माण, प्रदेश सभामा कानुन निर्माणको प्रक्रिया, सभामा पेस, छलफल र पारित, कार्यपालिका, न्यायपालिका र व्यवस्थापिका बिच अन्तर सम्बन्ध लगायतका विषयमा सहजीकरण गरेका थिए ।

लुम्बिनी प्रदेश युवा परिषद्का उपाध्यक्ष गाेविन्दबहादुर बस्नेतकाे अध्यक्षता, कार्यकारी सदस्य सराेज खनालको संचालन र डम्बर खरालकाे स्वागत मन्त्वयमा सम्पन्न उद्घाटन सत्रमा सामाजिक विकास मन्त्रालयका सचिव बिनाेद कुमार खड्का, मन्त्रालयका उपसचिव थानेस्वर ज्ञवाली, दिवकार भण्डारी, प्रशिक्षक प्रकाश उपाध्याय लगायतको उपस्थिति रहेको थियो।