- शनिबार , साउन १२, २०८१
-
१नेपालमा सबैभन्दा ठूलो लगानीमा डेन्टल सेन्टर सुरू, हरेक सेवामा ५० % छुट
-
२बढैयाताल गाउँपालिकाको आयोजनामा युवा मैत्री स्थानीय शासनका लागि युवाका मुद्धामा बहस पैरवी कार्यक्रम सम्पन्न
-
३बर्दिया जिल्लालाई प्रतिनिधित्व गर्दै बढैयातालका युवाहरुको नमुना युवा प्रदेश सभामा सहभागिता
-
४क्षमता विकास तालिममा बढैयातालका युवाहरूको सहभागिता
-
५बढैयातालका युवाहरुले एक रुपैया अभियान सञ्चालन गरी जेहेनदार विद्यार्थीलाई गरे शैक्षिक सामाग्री सहयोग
-
६नगर प्रमुख किन मुछिदै छन् अख्तियारको फन्दामा ?
-
७सरसफाई अभियानमा सक्रिय हुँदै बढैयातालका युवाहरु
-
८बेरोजगार युवाहरुलाई हलुका सवारी र भ्याकुलोडर चालकको सिप सिकाउँदै बढैयाताल गाउँपालिका
-
९लामो आयु बाँच्न कस्तो डाइट प्लान अपनाउने ?
गृहमन्त्री नारायणकाजी श्रेष्ठ मन्त्री बाट फिर्ता हुँदै
काठमाडौँ ।
नेकपा माओवादी केन्द्रले गृहमन्त्री नारायणकाजी श्रेष्ठलाई फिर्ता बोलाउने भएको छ । सत्ता सम्हालेको एक वर्षसम्म उल्लेख्य उपलब्धी हासिल हुन नसकेपछि दबाबमा परेका प्रधानमन्त्री प्रचण्डले आफ्ना पार्टीका कमजोर कार्यसम्पादन भएका मन्त्रीहरु फिर्ता बोलाउने रणनीति बनाएका हुन् ।
उनी निकट स्रोतका अनुसार उपप्रधान तथा गृहमन्त्री नारायणकाजी श्रेष्ठ फिर्ता हुनेको पहिलो नम्बरमा छन् । सुन तस्करी तथा विमानस्थल सेटिङ रोक्न प्रभावकारी भूमिका खेल्न नसकेको भन्दै प्रचण्ड उनीमाथि रुष्ट छन् ।
प्रधानमन्त्रीलाई नै विवादमा तानेको भन्दै माओवादी पार्टीपंक्तिले नारायणकाजी श्रेष्ठलाई फिर्ता बोलाएर पार्टीको सक्षम व्यक्तिलाई मन्त्रिपरिषद्मा सामेल गराउन प्रधानमन्त्रीलाई दबाब दिइरहेका छन् ।
सरकार र पार्टीलाई पटक पटक विवादमा पार्ने काम भएको र सत्ता गठबन्धनमा पनि असर पुग्ने गतिविधी भएपछि श्रेष्ठलाई फिर्ता बोलाउन पार्टीपंक्ति तयार भएको छ । माओवादी उच्च स्रोतले भन्यो, ‘एकदुई दिन भित्रै यसबारे निर्णय हुने छ।’
गृहमन्त्रालयमा नेपाली कांग्रेसले रुची देखाएका कारण पनि उपप्रधानमन्त्री श्रेष्ठ फिर्ता बोलाइने सूचीमा परेका हुन् । भुटानी शरणार्थी प्रकरणमा बालकृष्ण खाँण लगायतलाई मुछेपछि श्रेष्ठविरुद्ध सत्ता गठबन्धनको प्रमुख दल कांग्रेस पनि रुष्ट छ ।
बरु अर्थमन्त्रालय माओवादीलाई दिएर गृह मन्त्रालय कांग्रेसले चलाउनेगरि सत्ता गठबन्धनमा कांग्रेसबाट प्रस्ताव आएको उच्च स्रोतको दाबी छ । बरु अर्थमन्त्रालय छोडेर गृहमन्त्रालय लिने बारे कांग्रेसले माओवादीलाई प्रस्ताव गरेको छ । कांग्रेस उच्चस्रोत भन्छ ‘माओवादीले अर्थमन्त्रालयका लागि उमेद्वार तय गरे गृहमन्त्रालय हाम्रो भागमा पर्ने निश्चित छ ।’
२०७९ चैत १७ गते नारायणकाजी श्रेष्ठ भौतिक पूर्वाधार तथा यातायात मन्त्रीबाट गृहमन्त्रालय सरुवा भएका थिए । करिब ९ महिना गृहमन्त्रालयको नेतृत्व सम्हालेका श्रेष्ठले उल्लेख्य नतिजा भने देखाउन सकेका छैनन् । श्रेष्ठले ६० किलो सुन प्रकरणको अनुसन्धानमा राजनीतिक संलग्नता खुल्ने भएपछि प्रधानमन्त्री कार्यालय मातहतको राजश्व अनुसन्धान विभागले गरिरहेको फाइल जबरजस्ती प्रहरीमा पुर्याएका थिए ।
यस्तै व्यक्ति हत्यामा संलग्न रिगल भनिने योगराज ढकालको माफी मिनाहको निर्णय गराएर सरकारदेखि राष्ट्रपतिसम्मलाई विवादमा तानेको भन्दै श्रेष्ठ आलोचित छन् ।
-sidhakura.com
